Þjónusta
Venture Legal hefur metnað til að veita framúrskarandi þjónustu sem skilar viðskiptavinum raunverulegum ávinningi.
Fjárfestingar í fyrirtækjum
Við aðstoðum fjárfesta og fyrirtæki við kaup, sölu og samruna fyrirtækja, allt frá undirbúningi og áreiðanleikakönnun til samningagerðar, fjármögnunar og lokauppgjörs. Við tryggjum skýra verkstjórn, gagnsæ ferli og faglega framsetningu á lykilþáttum viðskiptanna. Markmið okkar er að skapa öruggar og skilvirkar forsendur fyrir vel heppnuð fyrirtækjaviðskipti, óháð umfangi eða flækjustigi.
Fjármálamarkaður og fjármögnun
Við veitum sérhæfða ráðgjöf um lán, fjármögnun og veðtöku fyrir fyrirtæki, fjárfesta og fjármálastofnanir. Þjónustan nær yfir undirbúning, samningagerð og uppbyggingu lánaviðskipta, tryggingapakka og annarra fjármögnunarleiða sem styðja við rekstur, kaup, verkefnaþróun og endurfjármögnun. Þá veitum við viðskiptavinum aðstoð við skuldabréfaútgáfu utan skipulegra markaða, endurskipulagningu skulda og samskipti við banka og aðra lánardrottna. Við sinnum jafnframt ráðgjöf um regluverk sem tengist fjármögnun og starfsemi fjármálafyrirtækja, þar á meðal leyfisveitingum, starfsskilyrðum, fjárfestavernd og innleiðingu regluverks sem hefur áhrif á lána-starfsemi og fjármálaviðskipti.
Almenn lögfræðiráðgjöf til fyrirtækja
Við styðjum hluthafa og stjórnir fyrirtækja í tengslum við öll almenn atriði sem snúa að lögfræðilegu umhverfi hinna mismunandi félagaforma, ákvarðanatöku, skjölun og aðgerðum sem nauðsynlegar eru til að tryggja fylgni við viðeigandi lög.
Sem dæmi um samningstegundir, sem Venture Legal getur tekið að sér að gera, má nefna:
– Hluthafasamkomulög;
– Samninga um kaup/sölu á vörum og/eða þjónustu;
– Samstarfssamninga;
– Leigusamninga;
– Kaupsamninga um fasteignir;
– Ráðningarsamninga og starfslokasamninga;
– Kaupréttarsamninga;
– Trúnaðarsamninga;
– Leyfissamninga.